من عمالقة العامية فى الشعر صلاح جاهين

اسمحو لى اخوانى ان اشرككم فى قراءة اشعار عامية من افضل الشعراء المصريين
لا اقولها تحيزا له لأنه ابن بلدى ولكن لكم ان تحكمو بانفسكم
اذا سمحتم لى طبعا سوف اكتب رباعياته كاملة فى شكل حلقات متتاليه ارجوا ان تنال اعجابكم
كما ارجوا منكم مراسلتى اذا لم تكونو مهتمين بيها
واخيرا اعتذر عن الاطالة عليكم فى مقدمتى
[center]خرج ابن ادم للعدم قلت يااااااااااة
رجع ابن ادم للعدم قلت يااااااااة
تراب بيحييا...وحى بيصير تراب
الاصل هو الموت ؟والا الحياه؟
عجبى
--------------
ضريح رخام فيه السعيد اندفن
وحفرة فيها الشريد من غير كفن
مريت عليهم..قلت يا للعجب
لاتنين ريحتهم لها نفس العفن
عجبى
----------------
ياما صادفت صحاب وما صاحبتهمش
وكاسات خمور وشراب وما شربتهمش
اندم على الفرص اللى سبتهم؟
والا على الفرص اللى ما سيبتهمش
عجبى
--------------
والكون دة كيف موجود من غير حدود
وفية عقارب لية؟ وتعابين ودود
عالم مجرب فات وقال سلامات
دة ياما فية سؤالات من غير ردود
وعجبى
---------------
انا شاب ولكن عمرى الف عام
وحيد لكن بين ضلوعى زحام
خايف ولكن خوفى منى انا
اخرس ولكن قلبى مليان كلام
وعجبى
----------------
فى انتظار ارائكم على الحلقة الاولى ان شاء الله

ياسلام ع الناس اللي بتفهم
برافو عليك يامصري احسنت الاختيار
انا بموووووووووووووت ف جاهين

اشكرك اختى دانا ولو انك الوحيدة اللى اهتمت بقراءة جاهين ولكن يكفينى من الظلام شمعة تضىء طريقى
اذا احبتى لديا الرباعيات كاملة وكنت انوى اذا وجدت تجاوب ان انشرها فى حلقات
ولكن قدر الله وما شاء فعل
اشكر اهتمامك وتقبلى فائق احترامى