مرة دكتور اسنان اشترى عود قصب لقاه مسوس حشاه
*********************************************
راجل متعود يعمل كشف دورى على صحته كل ستة شهور للوقاية، بعد الكشف فى المرة دى الدكتور دخل عليه وكان باين عليه القلق
فسأله الراجل خير يا دكتور؟، رد عليه الدكتور وقاله: للأسف مش خير. الراجل قلق جدا وسأل أزاى مش خير يعنى؟
الدكتور قاله انت عندك مرض خطير وحتموت.
الراجل أتصدم وسأل الدكتور حموت بعد أد أيه يا دكتور؟ رد عليه وقال 10.
الراجال اتجنن وسأله 10 شهور ولا عشر سينين؟ ولا أيه؟؟
الدكتور قال 10 .. 9 .. 8 .. 7 ....
*********************************************
بعد المؤتمر أجتمع واحد أمريكي و وواحد فرنسي وواحد مصري و كل واحد قعد يتكلم عن إنجازاتة
الأمريكي : أحنا كان عندنا في أمريكا واحد ما بيشوفش رحنا عملنا أيه ؟؟
جبنا قطة و دبحناها و خدنا عنيها و زرعناهم للراجل
إللي واقفين أستغربوا وقالولوه : و بيشوف كويس
الأمريكي : يوووه دا بيشوف إللي ورا الشمس
راح جه الفرنسي و قال أحنا كان عندنا واحد
كبده تعبان فجبنا قطة و دبحناها وخدنا كبده و زرعناه للراجل
قالوله : و بيشتغل كويس
قالهم الفرنسي : يوووه دا بيهضم الزلط
قام المصري قال : أحنا بأه كان عندنا واحد مخة بايظ رحنا شيلنا مخة و حطينا بدالة جزمة
قالوله : أيه داا و شغال كويس
قالهم : يوووه , دا بقي رئيس وزراء عندنا دلوقت
*********************************************
واحد بعربية شبح واقف فى إشارة مرور جنب واحد بعربية سيات، صاحب العربية
السيات بص من فوق لتحت لصاحب العربية الشبح وقاله تبدل عربيتى بعربيتك وتدفع لى
مليون جنيه؟ الراجل الثانى قاله إنت مجنون وللا شكلك كده؟ فرد عليه صاحب السيات
وقاله أنا عربيتى فيها عفريت يحقق لك أى حاجة، المهم دخل صاحب الشبح معاه فى
السيات وحرك الدركسيون فظهر العفريت فقاله صاحب العربية قوام هات شاى لى وقهوة
للبيه، فراح جابهاله، صاحب العربيه الشبح
وافق فورا وبدلوا العربيات وأخد صاحب السيات مليون جنيه كمان،
واما دخل صاحب الشبح العربية السيات وحرك الدركسيون ظهر الجنى فقاله عيزك ترجع
لى عربيتى تانى والمليون جنيه وتبنيلى قصر كبير وعايز بنااات كتير قوى
فى كل حته و...، رد الجنى وقاله حيلك حيلك معلش أنا بتاع شاى وقهوة بس.
*********************************************
مرة واحد الدغ في 24 حرف...جه ينادى واحد صاحبه اسمه تامر قال له يا
وليييييييد
*********************************************
مره المدرس سأل الاطفال فى الفصل الى يفتكر نفسه غبى يقف ... بعد شويه وقف
تلميذ ....فساله المدرس و ليه بقه يا سيدي بتفتكر نفسك غبي ..فرد عليه التلميذ
اصلي محبيتش اشوفك واقف لواحداك يا أستاذ
*********************************************
اتنين مساطيل حبوا يسرقوا عماره فقالوا لبعض احنا ناخد العمارة بعيد
ونسرقها برحتنا ، فقلعوا الهدوم وقعدوا يزقوا
فى العمارة يزقوا ، جه واحد من وراهم وسرق الهدوم ،
فواحد منهم بص ورا ملقاش الهدوم فقال له كفاية كدة احنا بعدنا اوى
*********************************************
واحد راح للدكتور بيقولوا يا دكتور كل ما اكلم واحد
ينام مني ........... يا دكتور .......... يا دكتور يا دكتووووووور.....??
*********************************************
بلديات فتح محل انابيب غاز . فجّر اسطوانتين فى وسط البلد .. دعاية
*********************************************
ثعبان نظره ضعيف يوم ما حب واحده..... طلعت خرطوم
*********************************************
بلدياتنا نجح في انتخابات مجلس الشعب،
ففي اول جلسة قاعد جنب واحد افندى فالأفندى عزم عليه بسيجارة مارلبورو،
وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!
*********************************************
واحد ومراته متخانقين فبطلوا يكلموا
بعض فكتب ورقة صحيني الساعه 6:30 علشان عندي شغل ، وحط الورق على السرير ونام
صحي الساعة 10:00 فلقى ورقه مكتوب عليها الساعه 6:30 يلا إصحى
*********************************************
واحد بلدياتنا رجع من السفر لقى الشقة مليانه صراصير.... غير قفل الباب
*********************************************
اربع صعايده دخلوا الإمتحان جلهم سؤال: كم عدد أرجل المعزه ؟
بعد الأمتحان طلعوا كلهم ماعدا حسنين ولما ظهر قالوا له ليه
مغششتناش قالهم : أصل المراقب كان جنبي وما قدرتش أطلع المعزه
*********************************************
واحد دخل مطعم وطلب طبق فول، وبعدما أنتهي من آكله سأل الجرسون الحساب كام,فرد الجرسون 13 قرش، مد
الرجل يده في جيبه وأخرج الـ 13 قرش ورماها على الارض،
وتكرر المشهد 3 ايام متتالية، وفي اليوم الرابع دخل
المطعم وكنش معاه فكه فاعطى الجرسون ربع جنيه وقال له واحد فول، طبعا
الجرسون حب ينتقم منه فاحضر الباقي 12 قرش ورماهم على الارض وقال له خذ الباقي،
فاخرج الرجل قرش من جيبه ورماه فوق الـ 12قرش وقال للجرسون وحياتك طبق فول تاني.
*********************************************
مرة دكتور بيطرى بيقول لمراته حبيبتى انا بهيم فى حبك قالتله وانا مرفسلكش طلب ابدا
*********************************************
واحد بلدياتنا عنده ارق ومش عارف ينام....قال له صاحبه عندي لك طريقة للنوم مؤكدة
...عد من واحد الى خمسمية... بلدياتنا مكدبش خبر... وأول ما الدنيا
ليلت راح للسرير وبدا يعد .. واحد .. اثنين ... ولما وصـل الى ميه وتسعة وتسعين... جـاه النوم… قـام غـسـل وشه ورجــع للـسـريـر يـكـمـل الـعـد
*********************************************
واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية
*********************************************
ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟
الاسبوع فيه حد ، والموس فيه حدين ، والصحراء ما فيهاش حد
*********************************************
هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه
*********************************************
زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة
،قالولها :جيبي لنا حبل. قالتلهم
:ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟
قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله
*********************************************
واحد أحول راح يجيب أبوه من المطار باس الشنطة وشال أبوه
*********************************************
مرة 10 صعايدة بيلعبوا على الطريق الصحراوى واللي تخبطه العربية مرتين يطلع برة اللعبة
*********************************************
تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع
*********************************************
سواق ماشى ع الطريق واحد لابس احمر فى احمر شاور له
فوقف السواق و قاله انت مين و عايز اية قالة انا الفرفور الاحمر و عايز
توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة
انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير
و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى
شو ية كمان كدة و لقى واحد لابس ابيض فى ابيض بيشاورلة
ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح ماما
*********************************************
واحد راح للدكتور بيقولو يا دكتور
انا عندى صداع ، قالو بتنام والشباك مفتوح ولا مقفول ؟ طيب افتحه قبل متنام وتعالى بعد يومين
، جاله بعد يومين ، قاله الدكتور الصداع راح قاله الصداع راح والتلاجه راحت والتليفزيون راح و ....
الأربعاء مارس 08, 2023 8:57 pm من طرف 
