انت ما موجود

إلمن جاي ..؟
مو خلصن ايام السود ..
عفتني لوحدي ..
اتلاوه ويه الموت ..
عركه والزمن هادود ..
إلمن جاي ..
خلصت .. الله چان وياي ..
ما مترجي جيتك ..
تنفض البارود ..
ما هزك حنينك ..
وآنه جوه الموت ..
اتنطر الرحمه ..
ابچيله الصايود ..
ولا هزك حنينك ..
وآنه بيه النار ..
واتنخه آنه بيك ..
وانت ما موجود ..
حسبالك الدنيا ..
التمشي بينه اسنين ..
ماترجع ابلحظه ..
وكلشي بيهه ايعود ..؟
كون ايعود ..
كون ايرد زماني ..
وذاك ابوي ايعود ..
چا شاف المروه ..
البعده شحت ليش ..؟
مو وصانه بيهه ..
وحط علينه اشهود ..
اظنك چنت ما موجود ..
لو موجود ..
چا حسبت بيه ..
وگلت هذا حمود ..
ولو موجود ..
چا فكيت حزن الظلن من اسنين ..
ما ذبن اهدوم السود ..
ولو موجود .. تتمدد گبلنه
اعله المنايا امدود ..
بس معذور .. ومن وصانه ابونه .. ما عرضت الدره ..
اگبالك من امشيت ..
ولا دمعات امنه ..
الوصتك يا عود ..
ولا وگفة الخوة ..
ولا ربى الطيبين ..
ولا چم زين صار ..
وظل الك مشهود ..
عاين عالزمن ..
تلگه الاخوه تريد ..
( ابو فاضل ) ركض ..
من گلب اخوه ممرود ..
بيده الماي هوه ..
وماشرب ( عباس ) ..
وانهد حيله كله ..
ابيوم طاح الجود ..
واحنه ابموت طحنه ..
وها .. نگول اتهون ..
وانصبر بعضنا ..
ابرحمه المعبود ..
وانت هناك ..
گاعد يا گواة البيك ..
واحنه اعله المنايا ..
الوكت بينه ايگود ..
حتاجيك وگفه ..
وكلمة العيناك ..
محتاجيك دمعة ..
ونروي بيهه العود ..
بس امنين اجيبك ..؟
وانت ما موجوانت ما موجودد ..!!

رائع يا اسدنا الغالي
رائع ماسطرته اناملك وابداعك
تقبل مروري

يسلموا مروركم الكريم اختاي العزيزتان نور وهمسة تقبلوا مني اجمل تحية وارق