الحب عند البنات .. يسير بسياسة الباب الموارب !!!!

الحب عند البنات

الكلمات الأكثر تداولاً عند البنات !!!

الحب عند البنات .. يسير وفقا لسياسة الباب الموارب .. بمعنى أصح .. لا بيرحموا ولا بيسيبوا رحمة ربنا تنزل!

أنا بأحبك وبأموت فيك.. انت الوحيد اللى قدر يفهمنى من أول مرة.. عارف أنا لو فكرت أتجوز بعد الشر.. بعد الشر.. يعنى أكيد هأتجوزك .. بس بجد احنا أصحاب.

الكام كلمة دول هما الكلمات الاكثر تداولاً لدى البنات وهما طريقهم وملخص لاسلوبهم فى التلاعب علينا يا ولاد يا مساكين قدام كيدهن العظيم ، تلاقى البنت من دول من أول مرة تشوفك فيها وأسلوب كلامها يتغير وتبدأ تقرب منك ولو اتشديت ليها أكيد انت كمان حتقرب لها وبمجرد ما تقرب انت منها تبدأ هى ترسم خط بينكم أو شعرة بتسيبها دايما بين انكم تكونوا أصحاب أو بتحبوا بعض هى بتكون خايفة انها تحبك وانت ما تحبهاش فعشان ما تطلعش ضعيفة أو يكون الحب من طرف واحد بتقوم تظهر وكأنها صديقتك وليست حبيبتك ، تبقوا مع بعض فى الجامعة وقاعدين بتتكلموا فى أى حاجة وفجأة تسييبك وتقعد تتكلم مع أى حد من أصحابها التانيين ولما تيجى تعاتبها ترد علك بكل سذاجة : فيه ايه .. انت بتغير على ؟!"

وكأنها لا تسأل بل تتعجب وكأنها تقول " فوق يا أحمد احنا أصحاب " وتبدأ انت بالتعامل مع الموقف على هذا الاساس وتنحى مشاعر الحب جانبا وتبدأ تتعامل معها على أنها صاحبتك لغاية ما تفوق تحبك ولو حصل وشافتك واقف مع بنت بتتكلم معاها فترة طويلة أو اتخانقت مع ولد عشان بنت تانية تقوم تقولك وهى بتزعق " انت سايبنى واقفة هنا وعمال تتخانق وتتسرمح مع البنات " تقوم ترد عليها بكل سذاجة " ايه .. انت بتغيرى عليا ولا ايه؟! " ويعود الشد والجذب ولما تحس ان الشعرة اللى بينكم بدأت تكبر تقوم ترفعها وتقرب تقطعها وتقولك لو سمحت ما تكلمش فلانة أصلى مش بأستريح لها خالص ولا فلانة عشان مسهوكة زيادة عن اللزوم ولا فلانة ولا فلانة ولا فلانة.. لتطول مقصلتها رقاب كل البنات اللى على موبايلك لتعود وتسألها " ايه انت بتغيرى ؟"

وكرد فعل لهذه الخية المفاجئة منها والغيرة المفاجئة برضه تبدأ انت تحن وتقرب منها أكثر.. وتخفف كلامك مع الناس اللى هى بتكرههم وبعدين يا أخى فجأة وبدون سابق انذار تيجى تقوللك " على فكرة يا أحمد أنا كنت عاوزة أقولك على حاجة مهمة أنا فى واحد حبيته وبما اننا أصحاب كان لازم أنت اول واحد يعرف" تمالك أعصابك وما تسبلهاش عادى هى دى البنات وأكثر من كده ، الطبيعى والمفروض انك تقولها " بصراحة أنا ما كنتش مصدق اننا متوافقين بالشكل الغريب ده.. أنا كمان فيه واحدة بأحبها وكان لازم تكونى أول واحدة تعرف" نصيحة اختار احدى الفلانات التى اشتكت منها ولتكن أول فلانة فى قائمة الممنوعات وعلى ضمانتى ستقطع الشعرة وتحرقها.

برأيي انه الشاب لما يحب بنت بيكون لارضاء رجولته بس البنت بتكون بتحب الشاب لانها بتكون بانية امال انه حيتزوجها في يوم من الايام وهاي الامال مع الايام بتصير تصغر لهيك بتخلي البنت حدود في علاقتها مع هاد الشاب وبتتعرف على اكتر من شاب وبتعاملهم كاصدقاء في سبيل البحث عن زوج وليس مجرد صديق او حبيب وهي بتكون بمشاعرها اصدق من الشاب حتى لو كانت بتحبه بتخلي مسافة للتكتشف نواياه في المستقبل مع كم بنت بيحكي وكم كلمة بحبك طلعت من بين شفايفه وكم كذبة حكالها ولو فعلا بحبها بيروح عند ابوها وبيطلبها للزواج عشان لا هي تنجرح ولا هو ينجرح وقتها ما في حدود للحب ومن حقها تمنعه يوقف مع البنات وهو كمان من حقه هاد الشي

اما حب الشاب للبنت هيك بيكون

1-حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين ):

6-يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ماكًون نفسى
(موووووووووووت يا حمااااااااااار)

9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه) :

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه):

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض
(طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)
20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)[/size]

مشكور نيو على الموضوع
تقبل مروري

شكراً ميس مون على ردك الجميل
وبالفعل الشباب بتحب كده
ههههههههههههههههههههههههههههههههه

بصراحه انا لا هرد على نيو ولا على ميس
واكيد كل انسان بيحب بطريقته

واعذرونى انا عمرى ما اقول بحب الا اذا حبيت فعلا ومكدبش انى قولتها لبنات ولاكن اعترف بانى فعلا حبيتهم فعلا فعلا
بس ما منعنى من الارطبات بهم ظروف اقوى منى ومنهم ولاكن مو شك بيهم او او الكلام الفارغ الى ممكن اسمعو من اى
الحمد لله على كل حال

ماشى يانيو بس عايزه اقولك حاجه ان البنت لما بتحب بتحب بجد عكس الولد بيبقى متردد ومش عارف ياخد قرار أكيد انت فاهمنى

-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده

عجبتني ده ا ميس مون

وانت يالي اسمك نيو لف بلاش الكلام عالبنات لانو انت اكتر واحد تعرف حركات الشباب وعمايلهمك منتا الحب الجديد يعني تلاقيك كل يوم حب ولا التاني
ربنا يوفقكم
بس احب اقلك انو البنت مش بتقول بحبك غير لما بتكون واثقه من كلمتها

صديقى نيوتسلم ايدك على الموضوع الشيق دة والحقيقى
احب اقولك ان البنات كلها لو فضلت تقولها وتقنعها ان هم بيعملوا كدة مافيش حد بيصدق ولو صدقوا يقلولك لالالالالالالالا مش كل البنات بس انا فعلاً اغلب البنات اللى بشوفها بتكون فيهم نفس الصفات (تتمسكن لحد ماتتمكن) وطبعاً انت فاهمنى

اكيييييييييييييييييد يا ميكا انا عارف كلامك ده بس اعتقد ان مش كل البنات

ههههههههههههههههههههه.
بس اللي انا شايفاه يانيو انه داين تدان .
وفيه حالين.
اما الطيور علي اشكالها تقع وزي ماهو كدة اكيد ربنا هايصلط عليه واحدة مايعلم بيها الا ربنا.
والحالة التانية بيبقي ابتلاء ياما هي كويسة وربنا بيوعدها بواحد.......... يلا ماعلينا والعكس صحيح.
تقبل مروري.

» قبل (الحب)وبعد (الحب)وعند (الحب)
» مسجات مقالب أرسلها وشوفوا شو راح يسير فيكم ما حدا يرسلي هههههه...
» كولكشن من اجمل نغمات الحب والرومانسيه بمناسبه عيد الحب
» ثغرات أمنية بـ برامج "أدوب" تفتح الباب أمام القراصنة
» ساحبك حتى يعجز الحب عن الحب