{ يبـه ضمني لصـدرك أبي اشكي لك عذابي }

سارحه بأفكارها تسال نفسها إيش صار بفارسها اللي خطف قلبها وراح, تعاتب نفسها وقلبها بالأخص قلبها اللي كان عنيد قلبها الي يموت ولا ينذل لاحد قلبها اللي مستحيل يكون ملك احد ليـــــه استسلم ليــــه ضعف ليــه حـن ليــــه وليـــه وليـــه ضربت كفها الم وقهر من العذاب اللي قاعدة تعيشه مسكت الجوري دفترها اللي صار اقرب واوفى صديق لها اللي تعودت تشكيله هالحب اللي معذبها قعدت تكتب وتكتب وتكتب ودموعها تسابق صرخاتها ووناتها تمنت من قلبها ان يكون الأنسان اللي تحبه بقربها يضمها ويواسيها وتبكي على صدره تشكيله همها وعذابها اللي هي تعيشة تشكيلة حبها له اللي جننها وتعب قلبها, ماتوقعت انها بيوم من الايام راح تحب وتتعذب لعنت الحب وطوايفه .
احبك لأجمل الاحساس
وحشني حبك المجنون
متى ترضى علي وتحن
يا انت يا احلى ما في الكون
مسحت الجوري دموعها وردت على جوالها اللي قطع عليها هالعزا اللي هي فيه ردت على بنت عمها بيان اللي صارلها ساعة تتصل
الجوري بصوت مبحوح : آلـــو .
بيان: يامال اللي منيب قايله لي ساعة اتصل عليك وانتي مسفهه بي وينـك
الجوري وهي تناظر شاشت جوالها : معليش كنت شوي مشغولة
بيان : ايه ماعليه المهم كيفك؟ اخبارك؟وش مسويه؟وين بتروحين اليوم ؟
الجوري: يؤيؤيؤيؤ كل هذا تبغيني اجاوك عليه مرة وحده اول شي ماشي الحال عايشين ومافيه اخبار على حالنا وامي ناشبه فيني تبغاني اطلع معهم لأستراحة خوالي وانا مالي خلق يعني ماراح اطلع اليوم
بيان: افاااا يا الخاينة الموضوع فيه استراحة ولا تناديني
الجوري:خليني اطلع انا اول ثمن اناديك
بيان:جواره حبيبتي يالله عاد اطلعي بلا دلع
الجوري وهي عارفة ان بنت عمها ماتنعطى وجه :اقولها مالي خلق تقول اطلعي اقول اخلصي وراي اشغال هاتيها من الاخر
بيان : ياناس ياعالم تعالو اسمعوا ذي وش تقول قالت اشغال قالت اقول انتي حدك تنشغلين بالنت لاوبعد كله تفرفر من موقع لموقع يابنت الحلال احمدي ربك اني فاضيتلك وقاعدة اكلمك
الجوري وهي تضحك على كلام بنت عمها : اقــــــــول
بيان:قولـــي وعليك الامان لاتخافين ترا وراتس ارجال خخخخ وراك ولا جمبك
الجوري :هه هه ماتضحك يالله فارقي امي تناديني
بيان: امري لله خليني بس اتصل على راعي البقاله اهبل به بااااي
الجوري وهي ميتة ضحك من فضاوت بنت عمها : هههههه يالله باااي
سكرت الجوري من بنت عمها وهي تتنهــد وتتمنى انها تعيش حياتها مثل بنت عمها طردت هالأفكار من عقلها وقامت غسلت وجهها ولبست لها جينز وبلوزة سوداء حطت تحت عيونها مكياج خفيف يروح اثار التعب والصياح ونزلت تشوف امها ايش تبغى .
راحت الجوري للمطبخ اللي جمب درج بيتهم الكبيربحيث صاير قبال الصاله الرئيسيه
الجوري:سمي يمه ناديتيني
ام الجوري:ايه وينك لي ساعة اناديك توك تنزلين
الجوري:يايمة ياحبيبتي كنت اكلم بيان بنت عمي وانتي عارفتها اذا فتحت موضوع اتحداك تسكره
ام الجوري وهي تضحك على بنتها : وش تسوي المسيكينة ماعندها خوات وانتي عارفة اخوانها ياطالعين يا نايمين يعني محد عندها بالبيت تسولف معاه
الجوري:ماقلنا شي يايمة بنت عمي مثل اختي
ام الجوري كانها تذكرت شي: حسبي الله ع الشيطان نسيتيني وش كنت مناديتك عشانه ايه صلحي شاهي لابوك وروحيبه له بالديوانيه برا
الجوري :يوووه يايمه انشاءلله .
نادت الجوري الخدامة وقالت لها تسوي شاهي وهي صايرة بس اشراف
الخدامة:جوري تيك ذا تي
الجوري: ثانك يو سونياتي
الخدامة:ولكم
خذت الجوري الشاهي وطلعت توديه .
دخلت الجوري للدوانيه اللي كان اثاثها مره رايق بحيث كانت مصبوغة باللون الاحمر واثاثها كان تراثي واللي يحليها انها كبيره وفيها اشياء كثيره تسلي <بالله دوانيه شباب ايش راح تكون ممله .
حطت الشاهي على الطاوله اللي بنص الدوانيه بهدوء رفعت الجوري راسها تكلم ابوها
الجوري: يبه تـــــــــــــــرا ........
الجوري لسانها انعقد حست بانها مخدرة
انصدمت باللي قاعدة تشوفه قدامها ...........

مين تتوقعون هالشخص ؟
ايش موقف الجوري من اللي صار ؟
ظنتكم الجوري بتتاثر باللي صار؟

شكرا لك وشكرا علي الجمال الذي قرأته

ردك جميل ورائع و مرورك اسعدني

نيو مرسى على القصه الجميله بس الحقيقه فى كلام كتير مفهمتوش بس القصه حلوه

طيب
شكرا
ع
ل
ى

ا
ل
ر
د

ا
ل
ج
م
ي
ل

ت
س
ل
م
ي
ن