كثير من البشر ...يسألوني عن اسباب الحزن

يابحر فيني من الحزن كثر مافيك ..
من حزن وأوجاع وغياب وغرايب !!

لاتلومني إليا شفتني دايم أجيـك ..
ولاشفتني دايم على الشط ذايب !!

حزني كبير أكبر من حدود شاطيك ..
وأقسى من جروح الزمان العطايب !!

وإن كان تنشدني فـأنا مقدر أخفيك ..
دايـم اظن ويطلع الظن خـايب !!

في هالزمن أقرب حبايبك يشقيك..
إليـن تدفع في غلاه الضرايب !!

من بعد هذا يبتعد عنك ويجفيك..
ماكنه بجنبك قضى الوقت طايب !!

وإلاالخوي اللي توقعت يفـديـك ..
يفديك عمـره لاغدت بك نشايب !!

صد وتصدد مايبي سمع طاريك ..
وياما أنت دونه أتعبتك الطلايـب !!

لاتقول لي بـدري وتـوك ويمديك ..
وتعال وأسمع باقي الهرج صايب !!

خلك بحالك وأطلب الرب يهـديـك ..
ولاتنشد اللي غاب وين أنت غايب !!

وإن شفتني غايب عن حدود شاطيك ..
أعرف تراني تحت ذيـك النصايب !!

وأعرف تراني دايم إن ضقت بـآجيك ..
لأني أنا والمـوج صـرنا حبـايب !!