فين الدبدوب

موضوع: فين الدبدوب السبت ديسمبر 27, 2008 6:09 am

ناقص دبدوب
*********
فتـّشت كتير هداياىَ الرّاجعه ومالقيتهوش
..دوّرت فْ كل هديه كتير
بالطول والعَرض
..وقلبت الشنطـَه كمان
عَ الأرض ولقيتْ دِبله وجوابات
وكروت
..وجنيه مقسوم وصُور
وقلوبْ
..لكن برضُه
!! ناقص دبدوبْـــــــــــــــــــــــــــــــــــ
..كل اللىّ فْ قلب
الشنطه معاىَ بيستنظـَر
وبجدّ الشنطه بدون دبدوب
..مالهاش منظرْ
كل الجوابات
ممكن يكتبها حبيب غيرى
والدِبله
خلاص موضوعها اتشال من تفكيرى
والباقى حاجات بتكون
دايماً بين أىّ اتنين
..وبتتكرّرْ
..وفْ شنطة كلّ حبيب
وحبيبه هتِلـْقِى حاجات منهُم واكترْ
وهتـِلقِى شموع ودموع
وفرَح وأمَل ساكِنْ
مُمكِن
..لكِنْ
!! مش كل حبيب بيجيب
دبدوبْــــــــــــــــــــــــــــــــــــ
وازّاى انساه؟وانا كلّ ايامى الحلوه
معاكِى .. معَاه؟
..أيام ماعشقتـِك قبل ما
اقول
..وايام ماحلمتـِك قبل ما اطول
وايام وايام بتفوت على طول
وانا وانتى فْ كل دقيقه
بنبـْنى جنينة حب وشوق وأمَلْ
وانا قلبى الدِيبْ
..على إيدِك والله
لقيتـُه حَمَـلْ
..كنت امّا ازعلْ ألاقيكى بتِجرى على الدبدوبْ
..لجـْلْ يصالحِك وفْ أحزانِك بيمدّ إيديه
..علشان يمسح دمعة جرحِكْ
وفْ فرحِك
..كان من فرْحُه يطيرْ
..دا انا كُنت بغِيــرْلمّا اعرف انّه امبارح
كان بين دراعِينـكْ
وباحسّ ساعات وكأنه
حَرَس بينى وبينِكْ
..واتخيّل إنّه ساعتها خلاص قرّب منـّك
..وإديكى عليه
..وعنيكى عـَليه
:أجرى واطلـّع صورتِك
واندَهْ
!! والله يا روحى أنا اللى شارِيه
وسنين بتفوت وقلوب بتدوب وفْ لحظه خلاص يخدعنا
كلام
..وتموت أحلام
..ويضيع دبدوبْــــــــــــــــــــــــــــــــــــ
فاكراه واللىّ انتى
خلاصْ
ناسياه مع كلّ زمانى اللىّ عشقتـُه؟
طَب فاكرَه انا إمتى زمان جِبـْتُه؟
كات أول مرة انطقها
(بحبـّـك) قدّامِك
وابصّ فْ عِينك قدّامـِـك
كات أول مرة أدخل فى عنيكى بدون ما اخْجـَـل
سلـّمت كتير على كل رموشِك عَ المدخـَل
وفْ لحظة لقيتنى فْ قلب عنيكى بدون صاحب
وجناين مَاليـَه ربوع
عِينك مالهاشْ صاحِب
وساعات بامشيها وحاسِس
إنىّ خلاص مجنون من كُتر المشْى نسيت ان
انا أصلاً فى عيون
ولقيتنى فْ ننّ عنيكى
خلاص بعد المشوار
..ولقيت لى فْ ننّ عنيك
جناين فـُلّ ودار
..ومشاعر حب وشوق وحنين
وحنان جَارْفـَه
..عارفـَه؟
مع إنّ عنيكى مَهـِيش خـَضْرَه
!! الدنيا تملـّى فْ ننّ عنيكى تبان خـَضْره
..مليانه أمل بتحاوْطـُه الأحلام والخـُضْره
وانا كلّ ما انام
..قلبى الحيران بيلوم رِمشى
..وامّا اتحرّك واعمِل
ماشىبيقول لى : حرام .. لسّه
هتمشِى؟
وسنين بتمرّ عليّ فْ نِنّ عنيكى السُودْ
وفْ لحظه لقِيتنى خلاص
مَطْرودْ
..على ناصية أوّل رِمش
بعيدْ
..من غير دبدوبْـــــــــــــــــــــــــــــــــــــــ
قلبى الطيـّب
..مش قادر ينسى سنين فاتِتْ
..مش قادر يرمى حكايةْ
حُبـُّه عشان غلطـَه ويقول :ماتِتْ
جايلِك من تانى بحلم جديد
جايلك وفْ إيده أمل
وحنان
ولـُقى
ومواعيد
ومعاه دِبله
وجوابات وكروت
وجنيه مقسومْ وصور
..وقلوب
:جاىّ يقول لِكْ

...عَلشاااان خَطـْرِى
!!...خللـّى الدبدوبْ

موضوع: رد: فين الدبدوب السبت ديسمبر 27, 2008 1:45 pm

وااااااااااااااااااو يا عسل (خلي الدبدوب ومتكسريش خاطره بقا يا دانا)

موضوع: انا خائف كتير السبت ديسمبر 27, 2008 2:27 pm

بجد خائف ليكون الدبدوب من كتر الحب الى شافو يكون حبلو دبدوبه
كلام جميل وربنا يوفقك ويارب

انا عندي دبدوب لو تقبليه بدل اللي ضاع
جميله جدا جدا وياسعاته الي هايكون من نصيبو كل هالمشاعر والاحاسيس الفياضه ربي يسعدك ويعطيكي كل ما تتمنيه انتي انسانه جميله ورقيقه وتستاهلي كل خير وكل احترام وتقدير

موضوع: رد: فين الدبدوب الخميس يناير 01, 2009 1:03 pm

بجد يادانا نفسى اجيبلك احلى دبدوب فى العالم على الكلام الحلو ده
فين الدبدوب Copy_o16

موضوع: رد: فين الدبدوب الخميس يناير 01, 2009 2:34 pm

NEW LOVE كتب:: بجد يادانا نفسى اجيبلك احلى دبدوب فى العالم على الكلام الحلو ده

الدبدوب الموجود ده عجبني يا نيو انا عاوزه واحد متل دانا

موضوع: رد: فين الدبدوب الخميس يناير 01, 2009 6:33 pm

ميرسي يافايدي ع الكلام الجميل دا انت اللي جميل
ومقبول الدبدوب يانيو جميل فعلا
وهات واحد كمان لانهار
وميرسي ياحماده ومتخفش ع الدبدوب
تسلموووووووووووولي

موضوع: رد: فين الدبدوب الخميس يناير 08, 2009 7:09 pm

كلمات بجد لما قريتها حسيت انها شعر غنائى راقى
وكمان (عفوا)حسيت انها طالعه من قلب جميل اخضرصغير
ربنا يديم عليكى القلب الجميل والمشاعر الطيبة

موضوع: رد: فين الدبدوب الخميس يناير 08, 2009 7:35 pm

الموضوع منقول علي فكره بس انا حسيته بنفس الاحساس
شكرا يامصراوي علي رقة كلماتك
:flower: