عتاب احباب

اريد وياك اسولف ولاتزعل ارجوك
واخاف افتح جرح وماتكدر اتشده

واريد وياك اعاتب اعتاب الاحباب
فاض الكيل بيه وصل عدحده

وصل حد للتشبع بيه فرد نوب
اكول شبيك خايب ماتهده

تهده ولاتهد كلهن فرد نوب
راضي شما تهد بس وحده وحده

هد كلشي عليه انه ماكول
بس حبل الوصل بالك تهده

يل حالي وياك حال الطفل مفطوم
من يلزم لهو شتضن يهده

احس طبعك تغير ماهو الاول
واحسه تغيرت بيك الموده

شبيك اتغيرت وصرت عاكول
بيدي انه الشتلتك وجنت ورده

ورده وبنص مزهريه وجنت ازكيك
تعب فلاحك عليك انطيه جده

جده الكلب منك ويتنفس هواك
كلب هواك هذا ناوي تخنكه

يلعلكته بيدك مثل خيط كبان
لاانته التصعده ولاتهده

واريد انساك بس مااعرف شلون
اذا طيفك مجلب بالمخده


فقط للمعلومات تقلب القاف الى كاف للسهولة وللغة الشعرية النبطية

جميل ماقدمته لنا
فعلا استمتعت به
سلمت يداك
تقبل زيارتي

اختاي العزيزتان اتمنى من الله عز وجل ان يسعدكم ويوفقكم
وتقبلوا تحياتي وشكرآعلى مروركم