جربت تموت م الخوف على حد
فكرت تقيم الحد
وترد الظالم يوم عن ظلمة
فكرت فى لحظة حق تعيشها
وللا ف لحظة خوف بتوت جواها
وللا تارخ تقراة
يحكيلك.... تاخد منة
زكانك عشت زمان وياة
فكرت فى حاضر عايشة
وازى مش طايل حتى رغيف العيش جواة
جربت توت م القهر
وتعيش فى الدنيا عبيط
مش فاهم
الفرق مابين الموت بالغدر
وللا الموت تنقيط
فكرت ف حلم ولادك
او حلمك فيهم
جربت تقوم تتوضى وتقم صلاتك بيهم
فكرت ف روح مخنوقة وروح متاخدة
وروح يكسرها الهم
جربت ف يوم فوران الدم
والخبر العاجل قبل النوم
وكابوس من زمن الفوضى
وزمان متأمرك فية
جربت تدوس ع النقط الحمرا
وتعدى خطوط الموت بأدان
كبرت؟
ماغرقتش جوا الناس وحزنت
على حق مالوش دراعات ولا صوت
جربت تطق ف لحظة تموت
وما تحسش حتى بطعم الموت
مشدود م السما على سابع ارض
فكرت ف معنى صلاة الفرض
او سر الحاء والميم
ماقريتش ف سرك أل ياسين
ودعيت انك مرة تطوف بالبيت
وان صلاة الفجر تبقى جماعة ف تالت الحرمين
ماحلمتش يوم بصلاح الدين
واتمنيت تبقى شهيد وسط الشهدا
يوم حطين
ماقريتش الفاتحة وقلت أمين
ماعرفتش مين مع مين
ومين خاينين
ومين بيعيش على رقبة مين
فكرت ف كام اخفاق او حسرة
وانك رغم الهيبة تحس بكسرة
وانك زى بقيت الناس موجوع
تعرف معنى الطيب ومعنى الخيبة
ومعنى الممكن والممنوع
مالقيتش ف حضن الشمس براح
وجراح؟
وسطور عن محنة ادم
لما غواة ابليس
عن معنى طلوع الروح م الحلق
وللا خروج الروح من عز الطلق
وللا يتامة ف عز الورد يروحو فطيس
فكرت ف لعب الحجلة وشيل الطبلة ودق الزار
جربت تكون ف الزفة حماااااار
(يحمل اسفارا)
لا يعرف غير الرقص والعزف طويلا بالمزمار
جربت تكون انساااااان ؟