السلام عليكم اعضاء المنتدي الكرام
طبعا كلكم سمعتم عن حملة لبس العيد انك تشوف لبس انت مش محتاجه ويكون صالح للبس وشكله جديد وتتصل برقم وهم يجولك وياخدوه ويدوه لحد محتاجه
طب ليه نستني وسيط
مانعمل كده بنفسنا
يلا كل واحد فينا يعمل كده
يشوف لبس حتي طقم واحد مش اكتر ويغسله ويكوية ويصلحة يعني مثلا لو ناقص زرار
ويخلي شكله جديد زي مايكون لسه شارية
وطبعا مفيش حد مننا معندوش جار فقير
او قريب من منطقته حتي
يلا ياجماعه هانعمل حمله وندي فرصه للناس المحتاجه انها تشاركنا فرحة العيد
متقولش بكره
كل يوم هايعدي وانت بتهتم بالموضوع وبتحاول تخلي الطقم اللي هاتسعد بيه حد شكله جديد هايكون ثوابك اكتر
كمان لو انتو بيت اسره كامله اب وام وابناء
اجعل كل بيتك ينشغل بالموضوع دا
عشان تعلم اولادك المبادرة بعمل الخير
خلونا نعمل شيء مميز
وطالبه من مدير المنتدي يعملنا عداد زي المعمول ف حملة سنحيا بالقرأن
عشان كل واحد يعمل المشروع دا وينفزه يدخل يسجل انه عمل كده عشان نشوف قد ايه المنتدي ساعدنا نعمل حاجه كويسه
وربنا يجعله في ميزان حسناتكم
يلا بقي انا رايحة ابدأ واشوف
واوعو تنسو لن تنالو البر حتي تنفقو مما تحبو
يعني حاول تختار حاجه لو انت مكان الشخص دا تفرح بيها
واهم حاجه الطريقه الحنونه اللي هاتقدم بيها هديتك من غير ماتجرح الشخص
يلا انطلقو
سلاموووووووووووووووز واشوفكم عند العداد